UIDAI നെക്കുറിച്ച്

ആധാർ ആക്റ്റ് 2016(സാമ്പത്തികവും മറ്റ് സബ്സിഡികളും,ആനുകൂല്യങ്ങളും സേവനങ്ങളും ലക്ഷ്യമിട്ടിട്ടുള്ളത്) വ്യവസ്ഥകള്‍ പ്രകാരം ജൂലൈ 12 2016 ല്‍ ഭാരത സർക്കാർ സ്ഥാപിച്ച ഭാരതീയ സവിശേഷ തിരിച്ചറിയൽ അതോറിറ്റി (യുഐഡിഎഐ), ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയത്തിന്റെ (Meity) കീഴിൽ വരുന്ന നിയമപരമായ അതോറിറ്റിയാണ്. യുഐഡിഎഐ യാണ് ഈ വെബ്സൈറ്റിന്റെ രൂപകൽപ്പനയും വികസനവും പരിപാലിക്കുന്നത്.ആധാർ ആക്ട് 2016 ഭേദഗതി ചെയ്ത ആധാർ നിയമവും മറ്റ് നിയമങ്ങളും(ഭേദഗതി) ആക്ട് 2019 (14 of 2019) 25.07.2019 മുതൽ പ്രാബല്യത്തിൽ വന്നു

ആധാര്‍ എന്ന പേരില്‍ ഭാരതത്തിലെ എല്ലാ നിവാസികള്ക്കുംs ഒരു യുണീക് ഐഡന്റിഫിക്കേഷൻ നമ്പറുകൾ (UID) നൽകുക എന്ന ലക്ഷ്യത്തോട് കൂടി സ്ഥാപിതമായതാണ് യുഐഡിഎഐ. യുഐഡി (എ) ഡ്യൂപ്ലിക്കേറ്റ്, വ്യാജ ഐഡന്റിറ്റികൾ ഇല്ലാതാക്കാൻ പര്യാപ്തമായിരിക്കണം, (ബി) ലളിതവും ചെലവ് കുറഞ്ഞതുമായ രീതിയിൽ പരിശോധിക്കാവുന്നതും ആധികാരികവുമായിരിക്കണം. അതോറിറ്റി 31 മാർച്ച് 21 വരെ, 128.99 കോടി ആധാർ നമ്പറുകൾ ഇന്ത്യയിലെ നിവാസികൾക്ക് നൽകിയിട്ടുണ്ട്.

ആധാർ ആക്റ്റ് 2016 പ്രകാരം, ആധാർ എൻറോൾമെന്റിന്റെയും ഓതെന്റിക്കേഷന്റെയും ഉത്തരവാദിത്തം, ആധാർ ലൈഫ് സൈക്കിളിന്റെ എല്ലാ ഘട്ടങ്ങളുടെയും പ്രവർത്തനവും മാനേജ്മെന്റും, വ്യക്തികൾക്ക് ആധാർ നമ്പറുകൾ നൽകുന്നതിനുള്ള പോളിസി, നടപടിക്രമങ്ങൾ, സംവിധാനം എന്നിവ വികസിപ്പിക്കുന്നതിനും തിരിച്ചറിയൽ വിവരങ്ങളുടെ സുരക്ഷ ഉറപ്പാക്കുന്നതിനും വ്യക്തികളുടെ പ്രാമാണീകരണ രേഖകളുടെയും ഉത്തരവാദിത്തം യുഐഡിഎഐയ്ക്കാണ്.

യുഐഡിഎഐയെക്കുറിച്ച് കൂടുതലറിയാൻ, ദയവായി വെബ്സൈറ്റിലെ ഓർഗനൈസേഷണൽ സ്ട്രക്ചർ വിഭാഗങ്ങൾ സന്ദർശിക്കുക.

ചരിത്രപരമായ പശ്ചാത്തലം

2006 മാർച്ച് 03 -ന് ഇന്ത്യാ ഗവൺമെന്റിന്റെ ‘ബിപിഎൽ കുടുംബങ്ങൾക്കുള്ള സവിശേഷ തിരിച്ചറിയൽ' എന്ന പദ്ധതിക്ക് കമ്മ്യൂണിക്കേഷൻസ് ആൻഡ് ഇൻഫർമേഷൻ ടെക്നോളജി മന്ത്രാലയം, ഇൻഫർമേഷൻ ടെക്നോളജി ഡിപ്പാർട്ട്മെന്റ്, അംഗീകാരം നൽകി. അതനുസരിച്ച്,ബിപിഎൽ കുടുംബങ്ങൾക്കായുള്ള തനതായ തിരിച്ചറിയൽ പദ്ധതി പ്രകാരം സൃഷ്ടിക്കേണ്ട പ്രധാന ഡാറ്റാബേസിൽ നിന്ന് ഡാറ്റയും ഫീൽഡുകളും അപ്ഡേറ്റ് ചെയ്യുന്നതിനും പരിഷ്ക്കരിക്കുന്നതിനും കൂട്ടിച്ചേർക്കുന്നതിനും ഇല്ലാതാക്കുന്നതിനുമുള്ള പ്രക്രിയ നിർദ്ദേശിക്കാൻ 2006 ജൂലൈ 03 ന് ഒരു പ്രോസസ് കമ്മിറ്റി രൂപീകരിച്ചു. ഈ കമ്മിറ്റി, 2006 നവംബർ 26 -ന്, ''തന്ത്രപരമായ കാഴ്ചപ്പാട് നിവാസികളുടെ തനതായ ഐഡന്റിറ്റി'' എന്നറിയപ്പെടുന്ന ഒരു പേപ്പർ തയ്യാറാക്കി. അതിന്റെ അടിസ്ഥാനത്തിൽ, പൗരത്വ നിയമം, 1955 -ലെ ദേശീയ ജനസംഖ്യാ രജിസ്റ്ററും ഇൻഫർമേഷൻ ടെക്നോളജി ഡിപ്പാർട്മെന്റിന്റെ തനതായ തിരിച്ചറിയൽ സംഖ്യ പദ്ധതിയും കൂട്ടിച്ചേർക്കാൻ 2006 ഡിസംബർ 04 -ന് ശാക്തീകരിച്ച മന്ത്രിസഭ (EGoM) രൂപീകരിച്ചു.

ഒരു നിയമാനുസൃത അതോറിറ്റിയായി സ്ഥാപിക്കുന്നതിനുമുമ്പ്, യുഐഡിഎഐ ആസൂത്രണ കമ്മീഷന്റെ (ഇപ്പോൾ നീതി ആയോഗ്)ഗസറ്റ് വിജ്ഞാപന നമ്പർ-A-43011/02/2009-Admn.I) അറ്റാച്ചുചെയ്ത ഓഫീസായി പ്രവർത്തിച്ചിരുന്നു. 2010 സെപ്റ്റംബർ 29 -ന് മഹാരാഷ്ട്രയിലെ നന്ദുർബാർ നിവാസിക്കാണ് ആദ്യത്തെ യുഐഡി നമ്പർ നൽകിയത്. 12 സെപ്റ്റംബർ 2015 -ൽ, അന്നത്തെ കമ്മ്യൂണിക്കേഷൻ ആൻഡ് ഇൻഫർമേഷൻ ടെക്നോളജി മന്ത്രാലയത്തിന്റെ ഇലക്ട്രോണിക്സ് & ഇൻഫർമേഷൻ ടെക്നോളജി (DeitY) വകുപ്പിലേക്ക് യുഐഡിഎഐയെ അറ്റാച്ചുചെയ്യുന്നതിന് സർക്കാർ ബിസിനസ് നിയമങ്ങളുടെ അലോക്കേഷൻ പുതുക്കി.